Kuch mere dil se nikali awaaz...

A little fun..

Daman Dang — Thu, 29 Jan 2009 01:52:21 +0000

With all the respect to Ghalib Sahab..

Two of my friends were discussing Ghalib Sahab ki shayari.. discussion kuch zyada serious ho raha tha to humne kuch contribute kar diya..

Tadpana to teri fitrat mein likha hai zaalim..
Ghalib.. jo guzar gaya.. use bhulaane ki gunjaish nahin..
aur jo tere paas hai.. unhe yaad rakhne ki teri koi khwaish nahin.

Kuch aur discussions ke baad reply mein Ghalib Sahab ki ye pankityaan ayi:

Baazeecha-e-atfaal hai duniya mere aage..
hota hai shab-o-roz tamaasha mere aage.

Phir humne Ghalib Sahab ki in panktiyon ka jawab kuch aisa diya:

Baazeecha-e-atfaal hai duniya Tere aage..
hota hai shab-o-roz tamaasha Tere aage.
Aur kya kahen teri shaan mein ab hum..
har Tareef padti hai Bahut kam Tere aage!!

Samundar si Zindagi..

Daman Dang — Wed, 22 Oct 2008 22:51:27 +0000

Samundar ke kinare kuch pal bitaye..
to zindagi bhi ik samundar si lagne lagi.

Kuch sukoon bhare pal.. phir ik laher aa jaye..
taqdeer ik dagmagati kashti si lagne lagi.

Par jab teri muskurahat ko apne saath paya..
kashti apne sahil tak pahaunchti si nazar aane lagi.

Na likha..

Daman Dang — Sun, 21 Sep 2008 04:31:03 +0000

Karta hoon dua tujhe paane ki..
kabhi koshish.. tujhe bhool jaane ki.

Par nadi ke un do kinaron si..
likhi usne taqdeer hamari.

Na likha kabhi milna hamara..
na likhi kabhi judai hamari.

Zindagi.. ik safar..

Daman Dang — Wed, 09 Jul 2008 04:24:25 +0000

Manzil ki talash mein bhagte,
beet jaati hai zindagi.
Manzil tak pahaunche bhi,
to adhoori lagti hai zindagi.

Doston ka saath jo mile is raah mein..
unhe peeche chod na jaana kahin,
Kyun ki.. na khatam hone wale safar ka hi..
doosra naam hai zindagi.

Dosti.. Friendship..

Daman Dang — Fri, 20 Jun 2008 22:23:12 +0000

Dosti nibhane ke hum daawe nahin karte,
har kisi se dosti ke dikhawe nahin karte.

Par jab koi is dil se jud jata hai kabhi,
use hum is dil se phir juda nahin karte.

Dillagi..

Daman Dang — Tue, 17 Jun 2008 04:20:01 +0000

Is dil mein yeh dard na hota,
jo tune ise toda na hota.

Tum to dillagi kar ke chalte bane,
is dil ko bus ek khilona to samjha na hota.

Dil.. Dosti..

Daman Dang — Sun, 15 Jun 2008 04:17:08 +0000

Rishta ek tune joda tha humse,
bus use nibhana chaha tha maine.

Dosti ki paribhasha jo kitabon mein padi,
use sach kar dikhana chaha tha maine.

Tere dil mein ghar nahin,
bus ek kinara chaha tha maine.

Kisi ka Intezaar..

Daman Dang — Sun, 08 Jun 2008 16:17:58 +0000

Har pal sirf use hi.. chaha hai is dil ne,
uski chahat mein hi.. har din guzara hai is dil ne.

Woh haqiqat nahin.. sirf ek khayal hi hai to kya,
uske sach hone ka hi.. bus intezaar kiya hai is dil ne.

Bewafa se wafa..

Daman Dang — Sun, 01 Jun 2008 04:04:14 +0000

Pyar nibhana.. unhe na aata tha,
dilon ko todna hi.. unka shauk tha.

Aur is tute dil ko samjhana.. hume na aata tha,
unke pyar mein tadapna hi.. hamara shauk tha.

Khwaish hai..

Daman Dang — Thu, 29 May 2008 03:12:35 +0000

Teri aankhon mein..
doob jaane ki khwaish hai.

Teri muskurahat ko..
apna banane ki khwaish hai.

Aur jo na huye armaan poore is zindagi mein..
to agle janam tak bhi.. rukne ki gunjaish hai.

Des hoya pardes..

Daman Dang — Tue, 20 May 2008 05:45:56 +0000

Main Punjabi ghar se nikla..
us mazil ko jahaan nahin saath kisi ka,
bhaant bhaant ke log jahaan..
jis desh ka naam Amrika.

Marathi, Gujju ya Bengali..
the sabke ek se sapne,
is pardes mein to jaise..
bus yehi the mere kuch apne.

Har tyohar hum saath manate,
manate har jashan bhi hum saath.
Har khushi mein sab shamil hote,
hote har gam mein bhi sab saath.

Koi dal-baati banata,
to koi idli-sambhar.
Humne bhi khoob paranthe banaye,
bhar ke aaloo andar.
Ek hi maiz pe baith,
khana hum sab mil kar khate.
Chai ke saath karte yaadein taazi,
karte Bharat desh ki baatein.

Ek din khabarein dekhi to dekha,
Bharat ke rajyon mein aya tanaav.
Aankhen khuli par nahin dikhta janta ko,
yeh khudgarz mantriyon ka bartaav.

Rozana jisme safar karte,
unhi taxiyon ko jalaya.
Saalon se jinse kharidaari karte,
unhi dukandaar bhaiyon ko bhagaya.

Yahan jab hum dost kahin bahar jaate,
yeh Amriki hum sabko.. ek sa hi batate.
Jab doosre humme koi farak nahin hain kar paate,
to hum hi apne beech.. yeh dooriyaan kyun hain le aate??

Ek aas..

Daman Dang — Sun, 18 May 2008 23:14:04 +0000

Karta hoon use yaad,
jo hume pal mein bhool jaye.

Karta hoon uska intezaar,
jo hume na kabhi ek awaaz lagaye.

Dil mein lagaye baitha hoon ek aas,
jo is zindagi mein kabhi poori hoti nazar na aye.

Chai ki chuskiyaan..

Daman Dang — Thu, 15 May 2008 17:44:38 +0000

Yaad aate hain woh guzre din,
jab doston ke saath huya karte the.

Har shaam kisi dhabe pe baith,
chai ki chuskiyaan liya karte the.

Ek pyala khatam hone se pehle,
doosre ka order kiya karte the.

Pyale pe pyale chai ke chalte rehte,
yuhin gappon mein har shaam guzara karte the.

Thikana badla, doston ka saath bhi badla,
par chai ke silsilay waise hi huya karte the.

Phir ek ek kar har dost ka saath chootne laga,
chai ki chuskiyon ka woh swad bhi humse roothne laga.

Ab har shaam akele hi chai ka pyala uthate hain,
har chuski ke saath woh guzre din hi bus yaad aate hain.

Taqdeer hamari…

Daman Dang — Thu, 15 May 2008 05:02:56 +0000

Nahin chubhte ab aansoon bhi in aankhon mein,
in ke sang hi ab zindagi katni hai saari.

Nahin hota ab mehsoos dard jale ka bhi hume,
in zakhamon se bhi dosti ho gayi hai hamari.

Nahin socha tha yeh din bhi ayega is zindagi mein kabhi,
rozana khana pakana hi taqdeer ban gayi hai hamari.

‘Aansoon’ refers to all that crying while cutting onions.. hee hee.. and ‘Zakhm’ to normal hote hai at least once in a while when cooking… I started cooking when I came to US. Never imagined that some day I will be doing this stuff.. and even more.. I cook pretty decent.. apna time pass ho jata hai. But I miss mom ke haath ka khana soooo much..

Jab hasya kavi ka dil toot jata hai..

Daman Dang — Mon, 12 May 2008 02:56:03 +0000

Teri yaad mein kabhi kabhi do ghoont laga lete hain,
phir apna bhool.. padosan ka darwaza khat-khata dete hain.

Kabhi khayi thi kasam.. tere siva kisi aur ki taraf na dekhenge,
isi liye uski soorat mein bhi.. teri hi kalpana kar lete hain.

Nahin lagayenge yeh dil phir kabhi kisi padosan se dobara,
yehi soch kar.. har mahine apna mohalla hi badal dete hain.

A friend has been asking me to write something funny.. unse kuch poocho about my shayari to jawab aata hai ke no comments until I start writing Hasya stuff.. so here I am giving Hasya a try.. Earlier entries in Hasya category were kind of based on my real life situations.. so this is the first time I have to put some real effort in Hasya..

Teri woh yaadein…

Daman Dang — Thu, 08 May 2008 04:51:52 +0000

In aankhon mein ab ashk to nahin,
par ek arse se muskura na sake hum.

In labon pe ab tera naam bhi nahin,
par is dil se tumhe nikaal na sake hum.

Mita di teri yaadon se judi har nishani humne,
par teri woh yaadein hi mita na sake hum.

Woh raat..

Daman Dang — Wed, 07 May 2008 03:49:15 +0000

Duniya ke liye woh bus ek barsaat ki raat hogi,
par jaise khuda bhi roya tha us raat.

Nahin thi ummeed phir unse kabhi mulakaat hogi,
bus dua thi ke samay ruk jata us raat.

Bichode ka soch aankhen unki bhi nam huyin hogi,
par is dil ki to jaise dhadkan hi tham gayi us raat.

Nahin lagta..

Daman Dang — Mon, 05 May 2008 02:55:23 +0000

Teri yaad mein kabhi kabhi do ghoont laga lete hain,
teri tasveer dekh kar hi thoda thoda muskura lete hain.
Nahin lagta yeh dil kisi mehfil mein tere bina,
hum to tanhai mein hi tujhe yaad kar.. mehfil saja lete hain.

Door nahin..

Daman Dang — Sat, 03 May 2008 04:28:35 +0000

Door tumse tab bhi na the,
door tumse ab bhi nahin.

Kuch faasle aa gaye hamare beech,
par dil se door tum ik pal bhi nahin.

Kabhi dil se dil ko yaad karke to dekh,
yeh dooriyaan kuch bhi nahin.

Saath na chhute kabhi..

Daman Dang — Wed, 30 Apr 2008 05:04:23 +0000

Na pehchan sake woh is dil ko kabhi,
na samajh sake…ai Dost.. tere liye mera pyar kabhi.

Har din ilzaam lagte hain is dil par sabhi,
par mera yeh pyar kam na hoga kabhi.

Lad jaoon saare jahan se jo tujhpe aanch aye koi,
bus teri dosti ka yeh saath na chhute kabhi.

Kuch Rishte..

Daman Dang — Sun, 27 Apr 2008 05:25:12 +0000

Zindagi ke har mod par.. naye rishte ban jaate hain,
kuch pal do pal ke.. to kuch khud se bhi aziz ho jaate hain.

Nahin thakti yeh aankhen.. teri rah takte takte,
tumse milne ke ehsaas mein har dard bhool jaate hain.

Nahin bhoolti teri kahi koi bhi baat,
teri baatein yaad kar.. yeh lab.. tanhai mein bhi muskura jaate hain.

Kabhi kabhi is dil ko.. hoti hai kuch shikayat us khuda se,
par tumhe apni zindagi mein dekh.. sab shikwe door ho jaate hain.

Zindagi ke har mod par.. naye rishte ban jaate hain,
kuch bus pal bhar ke.. to kuch umar bhar ka saath ban jaate hain.

Tera chehra dekhta hoon…

Daman Dang — Tue, 22 Apr 2008 05:02:14 +0000

Tera saath nahin par har taraf tujhe hi dekhta hoon,
teri bewafai mein bhi kahin wafa main dhoondta hoon.
Jaam uthata hoon tere diye gam bhulane ke liye,
par do ghoont peete hi.. har jaam mein bhi tera hi chehra dekhta hoon.

Muskurate Rahiyega..

Daman Dang — Mon, 21 Apr 2008 18:58:16 +0000

Ittefaq se mile is dost ko kabhi door na hone dijiyega,
ki jaam hai yeh.. saaki se kabhi door na ise kijiyega.
Aapki muskurahat ka hi hua tha main kayal,
aap bus yuhin sada muskurate rahiyega.
Aur jab na ho wajah muskurane ki zindagi mein koi,
to hamare saath bitaye kuch pal hi yaad kar lijiyega.

This one was initiated on a chat session with my sis.. my friend.. long time back. I said the first line (I modified it a little).. and she came up with the second. Since then.. it was just sitting on my desktop and it took me quite a while to come up with something to complete it.

Main aur mera Credit Card…

Daman Dang — Mon, 17 Mar 2008 19:36:44 +0000

Aapka ek aur janamdin nazdeek aya,
mujhe mere credit card pe bahut taras aya.

Dil bola ek gift hi order kar lo,
card bola thoda balance to transfer kardo.

Arre unki bahut hai value mere bhai,
card bola mera APR bhi bahut hai high.

Thaan liya ke ek tohfa to bhej kar rahenge,
card bola hum bhi Over The Limit ja kar rahenge.

Over the limit hua to yeh card bhi freeze ho jayega,
phir bill na diya to yeh phone bhi cease ho jayega.

Socha ke tum mere tohfe ke bina to jee loge,
par meri good night call ke bina na so paoge.

Bahut soch humne tohfe ka idea kiya trash,
is saal tum bus hamari wishes hi kar lo cash.

Kyun ??

Daman Dang — Sun, 16 Mar 2008 02:37:14 +0000

Taras jaate hain tumhari ek awaaz sunne ko,
duniya se door.. kuch pal tere saath bitaane ko.
Tumne to na jaane kyun.. mooh hi mod liya humse,
par hum to mauka dhoondte hain tujhpe jaan tak lutane ko.

Mera Driving License…

Daman Dang — Fri, 14 Mar 2008 01:10:19 +0000

Athrah ke huye to socha drving license banwayen,
ab to bin dare Ludhiane ki sadkon pe gaadi chalaayen.
Papaji ne kaha.. beta.. license to main tera ghar baitha banwa doon,
par sochta hoon ke tujhe sarkari daftaron ke darshan to karva doon.
Jawani ke josh mein Papaji ki baat humne maan li.
apna license khud banwane ki humne bhi thaan li.

Subah subah form jama karvane.. hum to kachehri ko nikal gaye,
aage pacchas logon ki kataar dekh.. hamare to pasine hi nikal gaye.
Himmat na haar.. hum bhi lag gaye apne number ke intezaar mein,
laga jaise ek masoom.. phas gaya ho zaalimon ke bazaar mein.

Number mera aya.. to humne chain ki saans li,
par afsar ne form attest karane ko bol.. meri phir jaan li.
Notary se humne form attest karvaya,
paanch baj gaye to humne kachehri ko band hi paya.

Agle din hum phir lage usi kataar mein,
Par afsar bola aapne Notary ka chakkar lagaya ekdum bekaar mein.
Tehsildar ka attest kiya huya form hi hum lete hain,
baat nahin mani to hum tension bhi bahut dete hain.

Tehsildar ka office mila to unhe kisi meeting mein paya,
peon bola intezaar karo.. main sahib ka status dekh kar ke aya.
Dus minute dus minute karte.. ghadi ne phir paanch dikha diye,
hataash ho phir.. humne apne kadam ghar ko bada liye.

Subah subah daftar ke bahar humne phir apna dera jamaya,
tees rupaye doge to kaam hoga.. wohi peon chillaya.
Itni baat thi to kal hi keh dena chahiye tha,
woh bola.. kaam kaise hota hai.. aapko to pata hi hona chahiye tha.

Form attest huya to hum kataar mein phir lag gaye,
bina koi dar.. sadkon pe drive karne ke sapney phir jag gaye.

Is baar afsar bola blood group ka proof dikhao,
mere medical card ko expired dekh kehta blood test tum phir se karao.
Card expired hai bhaiya par blood group to change na hoga,
bola.. test dobara nahin karaya to tumhara kaam bhi na hoga.
License ke khatir humne phir ek sui bhi lagvayi,
license to mila lekin itna hone par bhi mujhe akal na ayi.

Chota bhai athrah ka hone pe poochta hai license kaise banwaoonga,
Papaji ne mujhe dekha to maine keh diya.. hanji Papaji.. ise bhi main hi le jaoonga.

This is what I had to go through to get my Driver’s License…

Ek Pari..

Daman Dang — Mon, 10 Mar 2008 18:36:02 +0000

Ek pari ka hua tha main deewana,
uske suroor mein bhool jata tha saara zamana.
Uski baaton mein phoolon si mehak hoti,
uski chuppi mein bhi ek ajab si chahek hoti.
Mere har dard mein aankhen uski nam hoti,
uski har mannat mein khushiyan bus meri hi shamil hoti.
Phir ik din mujhe beech majhdaar chod.. alvida keh gayi woh is duniya ko,
uska saath hota to sahil tak pahaunchne ki khwaish to hoti.

Khwabon mein hi sahi…

Daman Dang — Mon, 14 Jan 2008 06:32:28 +0000

Kal raat hue tere deedar ek khwab mein,
subah jab khwaab tuta.. to aa gaye kuch ashk meri aankh mein.
Is janam mein to shayad phir na milna hoga kabhi,
par dua hai ke har raat ko ho saath tera.. khwabon mein hi sahi.

Teri ek muskurahat..

Daman Dang — Thu, 22 Nov 2007 15:47:58 +0000

Tujhe dekh kar sochta hoon.. zindagi itni haseen bhi ho sakti hai.
Tera saath ho to… patjhad mein bhi… phoolon ki barsaat ho sakti hai.
Kuch cheezon ka koi mol nahin lagaya jaata par phir bhi…
teri ek muskurahat ki keemat… meri jaan bhi ho sakti hai.

Kal aaj aur kal

Daman Dang — Thu, 25 Oct 2007 05:00:56 +0000

Kal phir mil gaye tum zindagi ke ek aur mod par,
yaad aa gaye woh lamhe.. jinhe aa gaye the hum peeche chod kar.
Kabhi umar bhar ka saath nibhane ke waade kiye the humse,
aaj humse hi nazaren chura rahe ho kisi aur ka daaman tham kar.

Tera nasha..

Daman Dang — Tue, 16 Oct 2007 01:42:07 +0000

Tere khayalon mein har pal khoya rehta hoon,
har chehre mein tera hi chehra dhoondta rehta hoon.
Sharab ki kis kambakht ko zaroorat,
main to teri aankhon ke nashe mein hi dooba rehta hoon.

Kuch peete hain..

Daman Dang — Sat, 13 Oct 2007 01:42:43 +0000

Kuch peete hain khushiyaan manane ko,
to kuch peete hain dil jalane ko.
Peene wale to koi bahana dhoond hi lete hain,
hum to bus peete apne gham chupane ko.

Dhoondta hoon…

Daman Dang — Wed, 03 Oct 2007 03:20:06 +0000

Raaton ko dhoondta hoon tujhe sitaron mein,
subah hote hi sitaron sang tum bhi kho jaate ho.
Koshish to bahut karta hoon na yaad karoon tujhe,
ruk ruk phir mere khayalon mein tum laut hi aate ho.

Suraj..

Daman Dang — Mon, 24 Sep 2007 01:33:17 +0000

Roshan to har diya karta hai apne aangan ko,
par suraj si chamak us mein kahan.
Din mein to karta hai yeh roshan duniya ko,
phir Chand ko chandni de.. karde yeh raaten bhi jawan.

Took this one a few days back, was standing next to the window in my room playing with my Canon S2 IS… Photography is always fun but even more if u can capture a moment like this!!

Dard..

Daman Dang — Mon, 24 Sep 2007 01:32:50 +0000

Tujhe muskurate dekh apne gham bhool jaate the,
teri baaton mein hum kahin kho se jaate the.
Phir ek din tere ilzamo ne is dil ko rula diya,
kismat pe dosh daal humne apne ashkon ko chupa liya.
Kabhi kabhi kisi mod pe tujhse phir takra jaate hain,
tera diya dard yaad aate hi.. har dard bhool jaate hain.

Tanhaiyaan..

Daman Dang — Mon, 24 Sep 2007 01:30:51 +0000

Har subah shuru hoti hai tere khayal se…
tere hi khayal mein har sham dhal jati hai.
Din to guzar jata hai teri yaadon ke sahare…
par raaton ko phir wohi tanhaiyaan laut aati hai.

Ki kariye…

Daman Dang — Mon, 24 Sep 2007 01:29:49 +0000

Kash sadde kol vi kise da pyar hunda,
har pal kise da saath taan hunda.
Assan taan har nazar vich ohnu labhde rehnde,
par kise nazar nu sadde naal pyar hi na hunda.

Na kareya kar…

Daman Dang — Mon, 24 Sep 2007 01:29:35 +0000

Oh kehnde ne sannu yaad na kareya kar..
purani gallan yaad kar.. akhan vich hanju aan na deya kar.
Taithon door ho es dil di dhadkan taan tham hi chuki hai..
hun apniyan yadaan lai.. mera saah vi rokan di koshish na kareya kar.

Kaise dhadakta hai ??

Daman Dang — Mon, 24 Sep 2007 01:28:44 +0000

Rim jhim barasti barkha kuch poochti hai is dil se,
kaise dhadakta hai jab door itna tu apni dhadkan se ?
Dil ne kaha.. dhadakna to band kar diya jab door hue hum unse,
ab to jee rahe hain umeed mein bus ek baar milne ki phir unse.

Khush naseebi meri..

Daman Dang — Mon, 24 Sep 2007 01:28:28 +0000

Kabhi sochoon to teri dosti mujhe meri khush naseebi lagti hai..
par tujhse door ho kar yeh zindagi ulfat si lagti hai.
Kabhi sochta hoon ke kash na aye hote tum hamari zindagi mein..
to tujhse bichadne na gham to na sehna padta kabhi.
Par phir bin tere yeh zindagi sochoon to be matlab si lagti hai..
aur tujhe khush dekh kar har khushi bus apni si lagti hai.

Kya kehne…

Daman Dang — Mon, 24 Sep 2007 01:28:11 +0000

Unke khayal se to baatein karte hi rehte hain…
kabhi unse bhi do baatein ho jaye to kya kehne.
Jaagte sote to unke khwab dekhte hi rehte hain…
kabhi unke deedar bhi ho jaye to kya kehne.
Unki yaadein hume to satati hi rehti hai…
kabhi woh bhi hamari yaad mein tadpe to kya kehne.

Yeh kahan aa gaye hum…

Daman Dang — Mon, 24 Sep 2007 01:27:58 +0000

Na socha tha bin tere jeena padega kabhi,
zindagi ke is pehar par bichad jayenge apne sabhi.
Tanha jiye ja raha hoon is pardesion ke desh mein,
har rishte se door.. na jane kis kismat ki talash mein.
Mann hi mann jaanta hoon ab to aise hi katni hai zindagi sari,
par kahin in tanhayion ke khatam hone ki abhi ek umeed bhi hai baki.

Teri khushi…

Daman Dang — Mon, 24 Sep 2007 01:27:44 +0000

Mere pyar ko unhone bewafai ka naam de diya…
unke liye to humne khud tak ko kurban kar diya.
Aur jeene ki ab tamanna na rahi…
zindagi ko upar wale ne jaise ek saza sa bana diya.
Par kahin mere janaze par unki aankhen nam na ho jayen…
yeh soch humne is saza ko bhi khushi khushi gale laga liya.
Woh kahin is dard ko mehsoos na karle…
humne is chehre par ek jhoothi muskurahat ka parda daal diya.
Chahe woh mujhe umar bhar ek bewafa hi samajhte rahen…
par humne to unki khushi ko apni zindagi ka maqsad bana liya.

Tere Bin..

Daman Dang — Mon, 24 Sep 2007 01:27:27 +0000

Aaine mein dekhoon to parchayi teri dhikti hai,
dil mein jhankoon to tanhayi hi militi hai.
Yoon to har makaam pe kamyabi payi humne,
par tere bin har khushi adhoori si lagti hai.
Kehne ko aur bhi hain duniya mein hume chahne wale,
par har kisi se is dil ko rusvayi hi milti hai.

Tere sitam..

Daman Dang — Mon, 24 Sep 2007 01:27:10 +0000

Kabhi tanhayion mein tujhe yaad kar lete hain..
tujhse nahin to tere khayalon se baatein char kar lete hain.
Kabhi jawab na mila tumse kisi sawal ka..
khud hi jawab dhoond dil khush kar liya karte hain.
Tum to sitam kar kar bhoolte gaye..
hum to tere diye zakhamon ko hi nishani samajh.. kured liya karte hain.

Deedar-e-yaar

Daman Dang — Mon, 24 Sep 2007 01:26:55 +0000

Tujhse bichad kar kabhi muskura sake na hum..
bus ek baar milne ki dua karte rahe har pal.
Milkar phir juda hue to mar hi jayenge sanam..
par tere ek deedar ke liye yeh keemat bhi adaa kar denge hum.

Kehne pe mat jaiye..

Daman Dang — Mon, 24 Sep 2007 01:26:40 +0000

Wo kaha karte the.. hum suna karte the,
kabhi woh chup ho jate to hum unki khamoshi pad liya karte the.
aaj woh kehte hain ke humse koi rishta nahin unka,
aji apne dil se poochiye.. hum to hamesha se uski dhadkan tak pehchan liya karte the.

kahi ankahi..

Daman Dang — Mon, 24 Sep 2007 01:26:19 +0000

Pal pal.. har pal tujhe yaad karte hain,
teri har kahi ankahi baat hum yaad rakhte hain.
Chahe tum humse kabhi kuch keh na sako..
par dil mein tumhare hum bhi kahin ek jagah to rakha hi karte hain.

Tere Liye..

Daman Dang — Mon, 24 Sep 2007 01:26:02 +0000

Faasle jitne bhi aa jayen hamare beech..
dil se dil kabhi door na hoga.
Hazaaron meel door tu kabhi ek aah to bhar..
utna hi dard is dil ko bhi hoga.
Kabhi mushkil mein hume yaad karke to dekh..
tera yeh dost tere saath hi hoga.

Yeh rishta..

Daman Dang — Mon, 24 Sep 2007 01:25:49 +0000

kitni baar socha ke ab tujhe bhula denge..
teri har yaad apne dil se mita denge.
par tum to jaise is dil ki har dhadkan mein base ho..
ab to is dhadkan ke thamne par hi tumse yeh rishta tod payenge.

Ishq se badi bimari..

Daman Dang — Mon, 24 Sep 2007 01:25:24 +0000

Raaton ko neend nahin,
din mein chain nahin.
Phoolon mein khushboo nahin,
geeton mein sur nahin.
Arrey huzoor.. ise ishq nahin.. zukhaam kehte hain….

You can probably guess.. I was down with cold when I wrote this

Saath nahin tera..

Daman Dang — Mon, 24 Sep 2007 01:24:02 +0000

kabhi kar na saka izhar tumse apni mohabbat ka,
na kabhi keh saka haal tumse is dil ka.
To kya jo tum ho gaye baigane,
tum to rahoge sada is dil mein hamare.
Har mushkil tere raah ki cheen loon us khuda se,
mere hisse ki har khushi bhi kardoon tujhpe kurban.
kabhi karta tha dua mil jaye saath tera umar bhar ka,
par ab sochta hoon kaise kategi zindagi jab saath nahin tera ek bhi pal ka.

Ise Kya Kahoge??

Daman Dang — Mon, 24 Sep 2007 01:23:44 +0000

kabhi idhar to kabhi udhar dekhte hain,
par har taraf sirf tumhe hi dekhte hain.
dil ne kaha ke shayad ise hi pyar kehte hain,
par phir dimaag chillaya.. bhag beta.. ise lendaar kehte hain.

Ik yaad bankar

Daman Dang — Mon, 24 Sep 2007 01:23:18 +0000

Tum hamari nazar se door hue to kya…
Dil mein to aapne hi ghar kar rakha hai.
Bus itna soch kar jiye ja rahe hain ke…
Ik yaad ban kar hi sahi par hum bhi aapke dil mein kahin to rehte hain.

Tum..

Daman Dang — Mon, 24 Sep 2007 01:22:25 +0000

Tum paas nahin humare..
Par humse door bhi to nahin..
Kabhi khayalon mein to kabhi khwabon mein..
Har taraf Tum aur sirf tum hi tum.

Unki yaad

Daman Dang — Mon, 24 Sep 2007 01:22:09 +0000

Na dhoondo unhe ashko mein hamare,
Na koi Tasveer unki seene mein hamare,
Unka saath hum bhulaye kabhi bhool nahin paate hain,
Aye jo unki yaad to bin muskuraye hum kabhi reh nahin pate hain.

Tanha Dil…

Daman Dang — Mon, 24 Sep 2007 01:20:00 +0000

Akele hote hue bhi kabhi tanha na tha yeh dil,
Pyar kya hota hai kabhi samajh na paya tha yeh dil.
Tumse mil kar jana ke kitni khoobsurat hoti hai mohabbat,
Tere saath ne bana diya meri zindagi ko bhi jannat.
Jeevan bhar ka saath rahe dua karta tha yeh dil,
Par tumse juda ho kar ab mehfilon mein bhi tanha sa hai yeh dil.

Kaise bhula doon…

Daman Dang — Mon, 24 Sep 2007 01:19:23 +0000

Kaise bhula doon use jisne khushi ka matlab samjhaya,
Suni padi is zindagi mein hasi ka diya jalaya.
Jaise Chand se Chandni ko chura nahin sakte,
Waise hi Ae Dost.. hum tujhe bhula nahin sakte.

Main shayar to nahin..

Daman Dang — Mon, 24 Sep 2007 01:04:59 +0000

Woh poochte hain ke hum shayar kab se ho gaye,
kiske ishq mein haal-e-dil byan kiye ja rahe hain.
Kaise kahen unse kitni mohabbat hai tumse,
Ke yeh kambhakt dil bus tumhare liye hi dhadke ja raha hai.
ik umar beet gayi par is dil ne kisi aur ka naam na liya,
Aur ek woh hain ke is dil ki dhadkan ko kisi aur ka bataye ja rahe hain.